Tim O'Reilly 1954.urtean jaio zen Cork-en, Irlandan, eta O'Reilly Media editorialaren sortzailea eta presidentea da. Horretaz gain, interneten gertatzen ari diren aldaketen erreferente nagusietako bat da.
Tim "Software librea"-ren bultzatzailea da, eta Web 2.0 kontzeptuaren asmatzailea ere bai. Azkenaldian "Perl" lengoaiaren garapenean parte hartu du.
Nahiz eta hasiera batean literaturan interes handia izan eta 1975.urtean Harvard unibertsitatean lizentziatu, azkenean informatikan eta informatikari buruzko liburuetan interesatu zen.
Zenbait liburu argitaratu ditu; adibidez, 1992an interneti buruzko "The Whole Internet User's Guide & Catalog" izeneko lehenengo liburua argitaratu zuen eta orduantxe hasi zen informatikaren munduan lehenengo urratsak ematen.
1993an, interneteko lehenengo portala sortu zuen: "Global Network Navigator", geroago AOL izena hartu zuena.
2000an.urtean, "Safari Books Online" sortu zuen. Interneten liburuak saltzeko lehenengo gunea.
2008an hitzaldi batean hartu zuen parte Malagan, Web 2.0-ren aurkezpena egiteko.
Hona hemen urte horretan BERRIA-n egin zioten elkarrizketa interesgarria!
1. Pausoa - Interneten sartu 2. Pausoa - Borobilaren barnean jarri ondoko helbidea: http://www.blogger.com/ 3. Pausoa - “Cree su blog ahora” jartzen duen gezian klikatu 4. Pausoa: Hutsuneak bete: -Lehen egindako helbidea jarri. -Kontraseña jarri. -Zure izena jarri. -Ziurtasun hitza jarri. -Laukitxoa markatu. Datuak bete ondoren “Continuar”-eri eman 4. Pausoa: Hutsuneak betetzen jarraitu: -Blogaren titulua jarri. -Blogaren helbidea jarri. -Ziurtasun hitza jarri. Datuak bete ondoren “Continuar”-eri eman eta BLOGA SORTUA DAUKAZU!!!!!
“Web 2.0. Revolución social en Internet” izeneko bideoaren gai nagusia WEB 2.0 izeneko sare berria da. Sare honek interaktibitateari eta on-line bidezko kolaborazioari ematen dio garrantzia, honek guztiak edukiak konpartitzeko aukera ematen baitu.
Bestalde, bideo honetan, WEB 1.0-tik WEB 2.0-ra emandako aurrerapausoa azaltzen da. Hau da, eredu zaharrean webmasterrek sortutako web-etan nabigatzea eta edukiak kontsumitzea baino ez zen posible; orain, aldiz, eredu berriari esker erabiltzaileek ere euren web-ak sortu eta edukiak konpartitu eta kontrastatu ditzakete. Beraz, azken eredu honetan erabiltzaileen arteko elkarreragina funtsezkoa eta positiboa da benetan.
Hain handia da WEB 2.0-aren indarra enpresak sare horretan sartzen hasi direla euren espazio bat sortuz; hori delako erabiltzaileak bereganatzeko eta erabiltzaileekin bat egiteko eta informazioa konpartitzeko modurik zuzenena.
Bertan hainbat aplikazio aurkitu ditzakegu: Web blog, postcast, videocast, wiki, google... aplikazio hauek guztiak errazak dira erabiltzeko; edozeinek sartu ditzake artikulu bat, bideo bat, musika,... edo bilaketa azkar bat egin.
Zalantzarik gabe hau guztia fenomeno bat bihurtu da. Edozeinek sartu edo jaso dezake nahi duen informazioa doan.
Honek guztiak zera ekarri du: publikoaren banaketa. Eta enpresek honi aurre egin behar diote, publizitatea beste era batean bideratuz. Izan ere, publiko zabalago edo sakabanatuago bat dago gustu ezberdinekin. Interneten sortu den plataforma handi honi esker kontsumitzaileek euren gustuak asetu ditzakete, zer, noiz eta nola ikusi/entzun/irakurri aukeratzeko aukera baitute. Beraz, interneten boterea kontsumitzaileek daukate.
Hau guztia esanda, ideiarik aipagarriena, publizitatea modu eraginkor batean zelan kudeatzeari buruzko ideia iruditu zait. Argi dagoena da, publizitatea jada ez dela hedabideen menpe bakarrik egongo, enpresek eurei interesatzen zaien publiko zehatz edo espezializatu batengana heltzea ezinbestekoa izango dutelako, eta noski, publiko horren bila internetera abiatuko dira.
Bideoa interesgarria izan da. Modu ulergarrian eta argian azalduta dago zer den WEB 2.0 eta zelan funtzionatzen duen. Egia esan, irakasleak WEB 2.0 aipatu zuenean ez nekien zer zen, baina dagoeneko konturatu naiz egunero erabiltzen dudan sare handi hura dela, orainarte “internet” izenarekin orokortu dudana. Beraz, esan dezaket asko ikasi dudala, eta ziur nago aurrerantzean gauza gehiago deskubritzen joango naizela, hau guztia mundu bat da eta.
Nire ustez, honek guztiak apurka-apurka irakaskuntzan eragin handia izango du. Nonahi zaudela komunikatzeko, informazioa jasotzeko edota eskaintzeko bidea errazten baitu. WEB 2.0 erabiltzeak abantail asko ditu eta aprobetxatu behar ditugulakoan nago.
